Azərbaycan-Slavyan Gəncləri Assosiasiyası bəyanat yayıb

ANKARADAKI TERRORA GÖRƏ

Azərbaycan-Slavyan Gəncləri Assosiasiyası (ASGA) Türkiyənin paytaxtı Ankara şəhərində çoxsaylı insan təlafatı ilə nəticələnmiş terror aktını qətiyyətlə pisləyib. ASGA-dan saytımıza verilən məlumata görə, QHT bəşəriyyətin bəlasına çevrilmiş terrorizmə qarşı mübarizədə beynəlxalq ictimaiyyətin səylərinin artırılmasının vacibliyini bir daha bəyan edib.
” Azərbaycan-Slavyan Gəncləri Assosiasiyası (ASGA) səbəblərindən və harada törədilməsindən asılı olmayaraq, terrorizmi  insana, insan haqlarına və insan ləyaqətinə qarşı çevrilmiş ən ağır cinayət hesab edir. Dəfələrlə terrorçuların əməllərindən əziyyət çəkən Azərbaycan xalqı bu cür cinayətlərin cəmiyyətə nə qədər bəlalar gətirdiyinin şahididir. Azərbaycan xalqı, hər bir azərbaycanlı terrorizmə qarşıdır və həmişə bütün dünyanı ona qarşı birləşməyə çağırıb. Bütün Türk millətinə başsağlığı verir, ağır faciəni törədənlərin layiqli cəza alacaqlarına inamımızı ifadə edirik”.

Digər

Müzakirə et